Haki Çako drejtori i përgjithshëm i Policisë së Shtetit ka dhënë detaje në lidhje me të dyshuarin e vrasjes së Artan Cuku. Sipas Haki Çakos dhe prokurorit të çështjes, personi që ka vrarë komisarin Cuku është Mikel Shallari.
‘’Në datë 10 i gjashti u bë i mundur ekzekutimi i ndalimit të të dyshuarit kryesor. Ai është shtetasi Mikel Shallari lindur në Kuçovë dhe banues në Qytetin Studenti. Roli i Mikel Shallarit në këtë ngjarje është ekzekutor, ka dhe persona të tjerë të dyshuar.
Sigurisht që provat e administruara deri në këto moment janë të konsiderueshme, vazhdojmë punën për dokumentimin e provave dhe për bashkëpunëtorët e tij. Detajet i përkasin hetimit. Gjithçka është në ndjekje, gjithçka është nën akuzë’’, u shpreh Çako.
A është gjakmarrja pista e hetimit?
Nuk e dimë, dora që ka tërhequr këmbzën është Mikel Shallari, ideatori ende nuk dihet.
Gazetarët nuk i kanë kursyer Çakos dhe një pyetje për akuzat politike.
Prej disa ditësh jeni person nën akuza?
Policia e Shtetit është në zbatim të ligjit dhe të punës së tij, unë mirëkuptoj çdo parti politike që ka temperatura të larta në këtë kohë fushate. (E.K/SHUPLAKA)
Discussion about this post