I ftuar në Fax News, Azgan Haklaj foli mbi zhvillimet e fundit politike në vend, duke theksuar se dita e hënë do të jetë një moment kyç për mbledhjen e Këshillit Kombëtar. Sipas tij, gjatë kësaj mbledhjeje do të shpallet kandidatura dhe do të konfirmohet si një alternativë serioze për skenën politike shqiptare.
“Do të jemi një alternativë këmbëngulëse. Parlamenti nuk ka shpalosur asnjë program të qartë dhe koherencë në qeverisje. Ajo që ka bërë zoti Berisha, atë do të bëjmë dhe ne,” – u shpreh Haklaj.
Ai gjithashtu komentoi mbi zhvillimet e fundit në raport me SPAK, duke përmendur votimin në Kuvend për t’i dhënë kompetenca më të gjera kësaj strukture. “140 vota i janë dhënë SPAK-ut, dhe do të ketë një zgjerim të koalicionit,” – tha ai, duke lënë të kuptohet se skena politike mund të përballet me ndryshime të rëndësishme në të ardhmen e afërt.
Haklaj nuk la pa komentuar edhe situatën ndërkombëtare dhe ndikimin e saj në politikën shqiptare, duke përmendur ceremoninë e inaugurimit të Donald Trump. “Kur u bë inaugurimi i Trump, vetëm Basha dhe Haradinaj kishin ftesa për ceremoninë, ndërsa Rama ishte në Zvicër, Berisha po rrethonte Spakun ndërsa partitë e vogla po ziheshin për podiumin,” – tha ai, duke nënvizuar raportet e ndryshme që liderët shqiptarë kanë pasur me administratat ndërkombëtare.
“Por e ardhmja do të na tregojë se kush ka mbështetjen e vërtetë të qytetarëve,”- perfundoi ai.
Discussion about this post