Hakmerret Edi Rama/ Një ditë pas akuzoi policinë si të paaftë, përjashtohet nga grupi i PS-së

Hakmerret Edi Rama, një ditë pasi akuzoi policinë si të paaftë është përjashtuar nga grupi i PS-së deputeti i Kurbinit Gjetan Gjetani.

Jo më larg se dje deputeti Gjetan Gjetani akuzoi se Policia e Kurbinit është e paaftë dhe ordinere, duke iu referuar dy vrasjeve të fundit që ndodhën në këtë qytet, duke u marrë jetën dy të rinjve.

Mirëpo sipas kryeministri Rama ky deputet ka bërë presion që në policinë e Kurbinit të emëroheshin njerëz të afërt të tij, dhe për këtë arsye nuk kishte më vend në PS.

‘’Sot nuk ka ardhur dhe ka bërë shumë mirë. Nuk ka bërë asnjë punë por ka shantazhuar dhe ka bërë presion dhe kërkon ekskluzivet për të vënë shefa policie në Kubrin. Dhe bën një deklaratë pocaqi aty, nuk duhet të jetë më në PS.

Duhet të jetë mësim për deputetet për të ndarë njëherë e mirë punën nga futja e hundëve nga ndërtimi i shtetit. Se faturat e hajdutëve në hipoteka që janë futur me mbështetje politike dhe farefisnorë nuk i marrin ata që ndërhyjnë por i merr PS. Kush ka në kokë tepsinë, është tradhtar i misionit tonë”, u shpreh Rama.

Deputeti i Partisë Socialiste në zonën ne Kurbinit Gjetan Gjetani, reagoi pak ditë më parë lidhur me vrasjet e fundit që kanë ndodhur në këtë qytet. Ai tha se dy vrasjet që kanë ndodhur tregojnë se policia është e paaftë dhe qytetarët shprehen të pasigurtë për jetën e tyre.

Vetëm në dy ditë në Kurbin ka pasur dy viktima, të dy të rinj, një djalë 14-vjeçar i vrarë me thikë, dhe 27 vjeçari Indrit Pupa, i cili u vra me breshëri kallashnikovi në momentin kur ishte duke dalë nga shtëpia e tij.

Gjetani u shpreh se ai do të ishte i pari që do të dalë në protestë, pasi qytetarët nuk mund të ndahen sipas ngjyrimeve politike.

Reagimi:

Ngjarjet e fundit te ndodhura ne Kurbin, me kane shqetesuar shume. Duke bere qe, ne Kurbin, te mos ndihemi te sigurte. Eksploziv, kercenim me arme dhe vrasjen e dy te rinjeve, tregon qe, policia eshte hallke shteterore shume e paafte. Kjo tregon , se ne Kurbin, kane sjelle oficere dhe drejtues policie te paafte te korroptuar dhe ordinere.

Si deputet i kesaj zone, kam pas ankesa te shumte nga qytetaret te cilat do ti bej publike ne parlament. Brenda muajit Shtator do kerkoj interpelance me ministrin e brendshem, dhe nqs nuk do te marre masa per pastrimin e Komisaritit te plolicise Kurbin, une i pari do ngrihem ne proteste, duke kerkuar mbeshtetjen e gjithe qytetareve te Kurbinit pa marre parasysh ngjyrat politike.

(E.K/FAXWEB.AL)