Edhe pse mungon “divorci” zyrtar, Gjergji Muzaka e ka mbyllur aventurën me Tiranën dhe pritet të jetë lojtar i lirë në treg.
Kjo është konfirmuar edhe gjatë intervistës së presidentit Refik Halili në “Ora Skaner”, ku edhe është ballafaquar me futbollistin.
Sipas Muzakës, gjatë kohës që ka qenë i dëmtuar i takojnë 1 milion pagë plus 6 milionë bonuse, ndërsa Halili I ka treguar kontratën ku shkruhet ndryshe.
“Unë jam i saktë në atë që them. Nëse ai ka dyshime le të vijë të përballet”, tha Halili.
“Këtë verë jam dëmtuar në qershor-korrik dhe në verë nuk paguhemi me kontratë”, u përgjigj futbollisti.
Sa I përket kartonit, presidenti i Tiranës tha se kartoni vlen 50 milionë lekë dhe nuk paguhet më shumë pasi ai nuk është Maradona.
Muzaka e përgënjeshtroi duke I thënë se kartoni ka qenë përgjysmë me Partizanin.
Nga situata duket se po përfiton Kukësi që është hedhur në sulm për të marrë shërbimet e Muzakës. (A.R/SHUPLAKA)
Discussion about this post