Deputeti i Partisë Demokratike në njësinë numër 5 në Tiranë, Halim Kosova, ka deklaruar se pavarësisht se Partia Socialiste duket të jetë drejt fitores, demokratët nuk duhet të demoralizohen, por të presin përfundimin e procesit të numërimit.
Në një lidhje të drejtpërdrejt me emisionin “Studio e Hapur” të gazetares Eni Vasili, doctor Kosova u shpreh se pavarësisht se të shumtë kanë qenë ata që e kanë kërkuar dorëheqjen e kreut të PD-së Lulzim Basha, sipas tij nuk është nevoja për dorëheqje.
“Deri sa të mbarojë gjithë numërimi nuk ka pse të bëhen komente, më shumë rëndësi sa saktësia se shpejtësia.
Preferoj të numërohen gjithë kutitë atëhere dhe konkluzionet do lexohen më kollaj, në rrjetet sociale kam ndarë të gjitha të dhënat e duhura.
Mbas numërimit dhe deklarimit përfundimtar, atëhere mund të jemi në gjendje të bëni edhe komentet e duhura.
E rëndësishme është që ky numërim të shkojë sa më normal dhe do ndihmoj me gjithë forcat e mua që të biem në konsensus me partitë e tjera politike në vazhdimin e procesit të numërimit.
Nuk është momenti për dorëheqje, por për momentin të vazhdojë numërimi. Nuk dua që asnjë qytetar demokrat nga cdo cep i Shqipërisë të demoralizohet nga numërimi i momentit. Pastaj këtu jemi, kemi kohë prap.”, deklaroi Kosova. (D.D/Shuplaka)
Discussion about this post