Dje dy gra demokrate janë përfshirë në një ngacmim në distancë mes tyre. Gjithçka nisi më një status të Arbjola Halimin ku shpjegonte dje pse nuk mbështeste Lulzim Bashën dhe ndër rreshta thumbonte dhe deputeten e zgjedhur Grida Duma.
Ndërkohë që kjo e fundit duket se ka zgjedhur të heshtë, një tjetër ish-demokrate ka hyrë në lojë. Është fjala për Mesila Dodën. Në reagimin e saj Doda bën thirrje që gratë demokrate që ishin deri dje bashkë sot të mos shajnë njëra-tjetrën.
“Prej shumë kohësh kanë heshtur sherret e grave në politikë dhe kjo ka qenë nje nga gjerat më të mira, nje kod i heshtur qe e kemi respektuar prej shume vitesh… aman mos na e ktheni ate kohe… mos u shani me njera-tjetren, aq me teper kur keni qeni bashke deri dje…
Silluni te pakten ne menyre dinjitoze edhe kur jeni te prekura, te fyera a te inatosura… Thjesht per nje lloj kulture te re komunikimi, permendni ndonje burre se ka me dhjetra qe e meritojne po njesoj e madje edhe me fort perçmimin tuaj”, shkruan Doda.
Sakaq pak minuta më vonë Doda ka reaguar sërish duke thënë se këta që flasin sot në PD për demokraci deri dje e kishin paragjykuar atë për qëndrimet e saj.
(E.K/SHUPLAKA)
Discussion about this post