Deputetit Eduard Halimi në komisionin e ligjeve është shprehur se procesi qeveritar për zgjedhjen e Avokatit të Popullit është tërësisht i kundërt me traditën, paktin politik dhe frymën kushtetuese. “Avokati i popullit nuk mund të jetë kurrë një zgjedhje e kryeministrit. Ai i përket popullit, qytetareve dhe duhet të jetë rojtar i të drejtave të qytetarëve dhe në shërbim të qytetarëve. Ai duhet të jetë zëri kundër kryeministrit, dhe jo kukulla e kryeministrit”, theskoi ai .
Sipas deputetit Halimi 5 vjet më parë kur PS ishite në opozitë dhe PD ishte në pushtet, e kërkuan me ngulm deri në bojkot avokatin e popullit. “ Dhe cfarë beme ne? Respektuam frymën e Kushtetues, ua dhamë ju të drejtën për të propozuar Avokatin e Popullit. Të gjithë e kujtojnë mire se konkursi për zgjedhjen e Avokatit të Popullit u bë në seline e PS. Komisioni ad-hoc i PS kryesohej nga znj. Gjermeni dhe PS zgjodhi vetë mes 12 kandidatëve të preferuarin e saj. Ne e respektuam tërësisht dhe e votuam kandidatin tuaj, sepse Avokati i Popullit nuk duhet as ushtar dhe as kukulla e kryeministrit”, tha ai.
Më tej ai shtoi se sot pas 5 vjetësh po ndodh e kundërta dhe kjo për 2 arsye. “E para lidhet me arrogancen dhe delirin që ka Edi Rama, fitova zgjedhjet i dua të gjitha pushtetet për vete. C’më duhet mua, se cfarë thoja në opozitë. E dyta, ka lidhje me reformën në drejtesi: kompetencat kushtetuese që iu dhanë me 22 korrik Avokatit të Popullit si një figure kushtetuese larg qeverisë, po i rremben Edi Rama, duke e kthyer në kukull të tij këtë institucion për të zgjedhur dhe influencuar qeverine e gjyqesorit. Për ne, është e qarte, por të jetë e qartë për të gjithë, për publikun dhe për palën tjetër se; zgjedhja e Avokatit të Popullit nga kryeministri e shndrron këtë institucion kushtetues, në një kukull të kryeministrit dhe shërbëtor të bindur të tij”, tha Halimi.
Ai akuzoi Ramën se arroganca dhe deliri i tijpër të rrembyer të gjitha pushtetet, përfshirë dhe këtë që i përket popullit, është rruga më e shkurter për të ikur nga pushteti, skenarë për këtë ka plot nga vendet më të largëta, deri tek fqinjet. “Për ne, marrja e Avokatit të Popullit nga kryeminsitri është një akt i papranueshem”, përfundoi ai.(J.V/Shuplaka)
Discussion about this post