Pas dy seancave të dështuara për zgjidhjen me kompromis dhe marrëveshje të çështjes publike të iniciuar nga Gjergji Muzaka ndaj KF Tirana, bazuar në vetë kërkesën e lojtarit, Federata Shqiptare e Futbollit ka njoftuar sot vendimin e Dhomës Kombëtare të Zgjidhjes së Konflikteve.
Një vendim i formës së prerë në rang kombëtar, ndaj të cilit mund të apelohet vetëm në CAS, sikurse citohet në vendimin e vetë Dhomës Kombëtare të Zgjidhjes së Konflikteve.Dhoma Kombëtare e Zgjidhjes së Konflikteve i dha të drejtë Muzakës ndaj pretendimeve të Halilit.
Në njoftimin e publikuar në faqen zyrtare të FSHF-së zbulohet se Dhoma Kombëtare e Zgjidhjes së Konflikteve i ka dhënë masivisht të drejtë pretendimeve të futbollistit, duke rrëzuar kështu versionin e pambështetur të pretenduar nga kryeaksioneri i bardhebluve, Refik Halili.
Në pesë pikat e tij, vendimi citon:
1.Pranimin pjesërisht të kërkesës së paditësit Gjergji Muzaka.
2.Zgjidhjen e kontratës me KF “Tirana” dhe lënien e lirë të lojtarit.
3.Detyrimin e KF “Tirana” t’i paguajë paditësit shumën prej 10.697.000 lekë.
4.Rrëzimin e pjesës tjetër të kërkesës.
5.Shpenzimet gjyqësore në shumën 100.000 lekë i kalojnë KF “Tirana”.Kundër vendimit lejohet ankimi në CAS si dhe vendimi i arsyetuar do t’u komunikohet palëve sapo të jetë përfunduar.
Discussion about this post