Ministria e Shëndetësisë e Hamasit pretendon se dhjetëra palestinezë u vranë, disa prej të cilëve u “ekzekutuan” në mes të rrugës, gjatë operacioneve tokësore të ushtrisë izraelite në zonën Jabaliya të Rripit verior të Gazës .
“Pushtuesi kreu shumë masakra të tmerrshme që rezultuan në vdekjen e dhjetëra martirëve në kampin Jabaliyah, zonën Tal Al Zaatar dhe qytetin e Jabaliyah. Ata gjithashtu ekzekutuan dhjetëra civilë në rrugë”, tha zëdhënësi i Ministrisë së Shëndetësisë, Ashraf al-Kidreh.
“Përmasat e shkatërrimit në zonën Tal Al Zaatar dhe shkollat e kampit Jabaliya, ku strehoheshin dhjetëra mijëra njerëz të zhvendosur, është e madhe dhe zemërthyese . U identifikuan dhjetëra dëshmitarë. Pushtuesi ekzekutoi shumë prej tyre para familjeve të tyre”, thuhet në deklaratën e Hamasit.
Ushtria izraelite, e pyetur për këtë çështje nga AFP, nuk iu përgjigj konkretisht këtyre akuzave. Por siguroi se “goditjet kundër objektivave ushtarake janë në përputhje me rregullat e së drejtës ndërkombëtare” dhe kryhen pasi vlerësohet se “dëmtimi i rastësishëm ndaj civilëve dhe infrastrukturës civile nuk do të jetë i tepruar, krahasuar me avantazhin ushtarak që pritet si rezultat i sulm”.
Pamjet televizive të AFP tregojnë një trup nën rrënoja në rrugët e Jambaliya dhe shkatërrim masiv në pjesë të ndryshme të qytetit . Videot e transmetuara nga mediat lokale, të cilat AFP nuk ishte në gjendje t’i verifikonte, treguan kufoma të dekompozuara në rrugët e Jambaliya.
Në Beit Lahia, në veri, shërbimi i mbrojtjes civile tha se gjeti “dhjetëra trupa në dekompozim” sot. Shumica e viktimave janë “ekzekutuar në rrugë dhe më pas janë ngrënë nga qentë”, shtoi ai.
Komisioneri i Lartë i OKB-së për të Drejtat e Njeriut të mërkurën i kërkoi Izraelit të nisë një hetim mbi “kryerjen e mundshme të një krimi lufte” nga ushtria izraelite pasi mori “informacion shqetësues” për vdekjen e njëmbëdhjetë palestinezëve të paarmatosur në qytetin e Gazës. Izraeli u përgjigj se kjo akuzë është “e pabazë dhe e pavërtetë”.
Ndërkohë, Ministria palestineze e Shëndetësisë lëshoi një deklaratë të shtunën duke thënë se të paktën 201 palestinezë u vranë dhe 368 të tjerë u plagosën në Gaza në 24 orët e fundit .
Që nga 7 tetori , numri i përgjithshëm i palestinezëve të vdekur nga sulmet izraelite ka arritur në 20,258, ndërsa të plagosurit në 53,688 , thuhet në të njëjtin njoftim.
