Hamasi tha të mërkurën në mbrëmje se ka rënë dakord të lirojë 10 pengje, ndërsa vuri në dukje se bisedimet e vazhdueshme të paqes në Gaza me Izraelin ende përballen me “vështirësi”.
Hamasi tha në një deklaratë zyrtare se “ka treguar fleksibilitetin e nevojshëm” dhe ka rënë dakord të lirojë 10 pengje, në një përpjekje për të siguruar suksesin e përpjekjeve të vazhdueshme.
Por ekziston “vështirësia e negociatave për këto çështje deri më tani për shkak të kokëfortësisë së pushtimit Izraelit”, thuhet në deklaratë.
Korridori, i krijuar në prill, është një nga disa “zona sigurie” që Izraeli krijoi duke shembur ndërtesa dhe infrastruktura për të ndarë enklavën. Zyrtarët izraelitë kishin thënë më parë se ushtria nuk do të tërhiqej nga Korridori Morag.
Zyrtari tha se propozimi i ri shënon “përparim të konsiderueshëm” në negociata.
Ekipet negociuese kanë qenë në Doha që nga e diela për bisedime indirekte mbi një propozim për armëpushim 60-ditor të mbështetur nga SHBA-të. Marrëveshja do të përfshinte lirimin e 10 pengjeve të gjallë dhe mbetjet e disa të tjerëve. Izraeli vlerëson se rreth 50 pengje mbahen ende në Gaza, me rreth 20 që besohet se janë gjallë.
Izraeli nisi ofensivën e tij më 7 tetor 2023, pas një sulmi të udhëhequr nga Hamasi që vrau rreth 1,200 njerëz dhe 250 të tjerë u morën peng. Sipas autoriteteve në Gaza, të paktën 57,680 njerëz janë vrarë që nga fillimi i luftës.
