Sulmuesi Hamdi Salihi ka deklaruar se do të largohet nga Skëndërbeu dhe futbolli shqiptar. Sulmuesi i Skënderbeut u dënua ditën e djeshme me 10 ndeshje pezullim nga Komisioni i Disiplinës për shkak të grisjes së kartonit në ndeshjen ndaj Kukësi.
Në një intervistë për “Supersport” sulmuesi shkodran ka deklaruar se ky do të jetë sezoni i fundit në futbollin shqiptar.
“besoj se ky ishte fundi për mua, nuk besoj se do vazhdoj të qëndroj në Shqipëri” – deklaroi Salihi.
Salihi ka komentuar edhe gjestin e Elis Bakajt dhe Gilman Likës të cilët nuk kanë pranuar për të luajtur kundër ish skuadrave të tyre. Ai shprehet se veprimet e tyre janë të gabuara, lojtarët duhet të tregohen profesionistë dhe të zbresin në fushë për ekipin që ka investuar.
“Veprimet e Bakajt dhe Likës janë të gabuara. Pavarësisht të gjithave, respektit që ke për ish-skuadrën, duhet të tregohesh profesionist për ekipin që ka investuar për ty”, është shprehur Salihi. (B.H/Suplaka)
Discussion about this post