KLP miraton rregulloren për kriteret dhe procedurën e zgjedhjes së kandidatëve për Prokuror të Përgjithshëm. Me vendimin unanim të KLP-së është shpallur hapja e garës për plotësimin e pozicionit të Prokurorit të Përgjithshëm në Republikën e Shqipërisë.
Sipas KLP-së, vetë rregullorja parashikon 4 kriteret kryesore për vlerësimin e kandidatëve.
Për Prokurorin e Përgjithshëm janë vendosur: kriteri profesional, kriteri moral dhe i integritetit, vlerësimi organizativ dhe drejtues si dhe elemente shtesë për vlerësim (përvojë në jetën akademike, tituj shkencesore).
Por, pavarësisht se KLP-ja ka shpallur të hapur garën për Prokuror të Përgjithshëm, deklarohet se nuk fillon shyrtimi i kandidaturave pa u botuar rregullorja në Fletoren Zyrtare.
Për postin e kryeprokurorit kanë shprehur më parë interes disa prokurorë, madje dhe kryeprokurorja aktuale e përkohshme Arta Marku. Ndërkohë përveç kandidimit të Arta Markut, prokurorë e tjerë që pritet të garojnë për këtë post janë Olsian Çela, Adnan Xholi dhe Plarent Ndreca.
Po ashtu, KLP ka miratuar dhe kriteret e rregulloren për përzgjedhjen e prokurorët e SPAK. Rregullorja përcakton se nevojiten deri në 6 javë për shqyrtimin e dosjeve të kandidatëve.
Sipas rregullores për SPAK, 2 javë nga mbarimi i afatit të shyrtimit të dosjeve do të zhvillohet intervista me kandidatët e kualifikuar. Misionet e asistencës ndërkombëtare do të monitorojnë procesin e intervistimit të kandidatëve për SPAK.
Ndërkohë sot në rendin e ditës KLP ka kaluar edhe miratuar me shumicë votash listën e magjistrateve për prokuror udhëheqës për praktikën profesionale të kandidatëve për magjstratë të Shkollës së Magjistraturës. Si dhe janë miratuar dy kërkesa. Ajo e prokurores Pranvera Pustina për angazhim në mësimdhënie jo më shumë se 2 orë në javë, si veprimtari jashtë funksionit si magjistrate. Së dyti është miratuar dhe kërkesa e prokurorit Maksim Sota i cili kërkon shkëputje nga detyra për arsye shendetesore pa drejte page deri ne fund te vitit. (B.L/Faxweb.al)
