Kalimi i këmbësorëve në zonën e ish-Ekspozitës do të lehtësohet në sajë të urës së re që është hapur së fundmi në këtë zonë. I pranishëm në inaugurimin e urës së re ishte kryetari i ri i Bashkisë së Tiranës, Erion Veliaj që shoqërohej edhe nga deputeti i PS-së, Pandeli Majko.
Kryebashkiaku Veliaj u shpreh se shtimi dhe përmirësimi i infrastrukturës rrugore nuk është zgjidhja përfundimtare për të shmangur trafikun e mjeteve në Tiranë ndaj nevojitet të përdoren sa më pak mjetet persona dhe sa më shumë ato alternative.
“Rekomandimi ynë mbetet për ta përdorur makinën për të shkuar në një destinacion të largët, kurse për distancat e vogla do të preferonim që njerëzit të përdornin sa më pak makinën dhe sa më shumë mjetet e transportit publik”, theksoi Veliaj.
Kryetari i Bashkisë së Tiranës premtoi se viti 2017 do të jetë një vit fantastik për Tiranën për shkak të disa investimeve që do të ndërmerren. (XH.A/SHUPLAKA)
Discussion about this post