Hapi zjarr kundër policisë dhe u arratis, arrestohet shqiptari i rrezikshëm në Itali (EMRI)

Policia italiane ka arrestuar një shqiptar, pasi pasi gjykata Teramos kishte lëshuar një urdhër për burgim.

Sipas mediave fqinje raportohet se i arrestuari është Rigent Xhixha, 29-vjeç. Mësohet se Xhixha është autor i disa veprave penale si “vrasjes së mbetur në tentative”, “grabitje, marrje të pasurive të vjedhura me dhunë” (ngjarje të ndodhura në 30.01.2020 në Colonnella – Teramo ).

I arrestuari kishte hapur zjarr kundër policisë gjatë një ndjekjeje.

Xhixha qëlloi pasi policia ishte bërë dyshuese për praninë e tij pranë një kafe, në Colonnella (TE) dhe më pas, ai hipi në makinë dhe u arratis, duke gjuajtur drejt policisë.

Më pas ai doli nga makina për t’u larguar në këmbë dhe vazhdoi të qëllonte Karabinierët, të cilët reaguan ndaj zjarrit, por burri u zhduk.

Pasi hapi zjarr ndajpolicisë, Xhixha vodhi një motoçikletë për të vazhduar arratisjen.

29-vjeçari ishte ndaluar, në qendrën historike të Brindizit, në datën 04.02.2020, nga Karabinierët e Njësisë Hetuese të Brindisi dhe Teramo dhe në rrethanë ai ishte gjetur në posedim të një pistolete të kalibrit Beretta 22, të mbushur me plumba.