Kryetari i Kuvendit të Shqipërisë, z. Ilir Meta priti sot Ministrin e Shtetit për Punët e Jashtme të Japonisë, z. Nobuo Kishi, të cilit i shprehu mirënjohjen për mbështetjen e vazhdueshme që Japonia i ka dhënë Shqipërisë në vecanti në fushën e ekonomisë, infrastrukturës, bujqësisë dhe kulturës .
Këtë Meta e ka theksuar në një takim me ministrin e Jashtën të Japonisë, zotin Kishi.
“Hapja e ambasadës japoneze në Tiranë, një hap cilësor. Investimet dhe prezenca e Japonisë, të rëndësishme. Do jem i përkushutuar që raportet mes vendeve të vazhdojnë. Mirënjoje për mbështetjen e Japonisë ndaj Shqipërisë.”, u shpreh Meta.
Meta dhe z. Nbuo Kishi ndanë besimin e përbashkët se hapja e Ambasadës së Japonisë në Tiranë është një hap cilësor dhe provë e vullnetit e dëshirës për të forcuar më tej marrëdhëniet e gjithanshme dhe një dëshmi e një marrëdhënie të qendrueshme në të ardhmen mes dy vendeve tona.
Të dy bashkëbiseduesit vlerësuan rolin e rëndësishëm të Shqipërisë për stabilitetin dhe sigurinë në rajonin tonë dhe shprehën bindjen se investimet dhe prezenca e Japonisë në këtë hapësirë janë shumë të dobishme.
Ministri i Shtetit për Punët e Jashtme të Japonisë, z. Nobuo Kishi, e uroi z. Meta për zgjedhjen e tij në postin e Presidentit të Republikës dhe zoti Meta e siguroi bashkëbiseduesin se edhe si President ai do të jetë i përkushtuar që marrëdhëniet midis dy vendeve të përparojnë në të gjitha fushat e bashkëpunimit. (J.V/Shuplaka)
Discussion about this post