Hapja e grupit të parë të kapitujve me BE-në, ministri Manja: Ministria e Drejtësisë, rol vendimtar në avancimin e reformave

Ministri i Drejtësisë Ulsi Manja, ka reaguar në lidhje me hapjen e grupkapitullit të parë “Themeloret” në Konferencën e Dytë Ndërqeveritare për integrimin në BE.

Në një postim në Facebook, Manja shkruan se Ministria e Drejtësisë  merr një rol vendimtar në avancimin e reformave për institucione më efikase në shërbim të qytetarëve dhe forcimin e sundimit të ligjit.

Postimi: 

Një ditë historike për Shqipërinë! 🇦🇱🤝🇪🇺
Sot, me hapjen e grupkapitullit të parë “Themeloret” në konferencën e dytë ndërqeveritare për integrimin në BE, Ministria e Drejtësisë ⚖️ merr një rol vendimtar në avancimin e reformave për institucione më efikase në shërbim të qytetarëve dhe forcimin e sundimit të ligjit. Vijojmë me vendosmëri drejt #Shqipëria2030