“Austria është mbështetësë e vazhdueshme e Shqipërisë dhe kjo është krejtësisht normale duke parë edhe historinë e marrdhënieve tona, e sidomos në rolin e saj gjatë periudhës së Austrohungarisë e deri në ditët e sotme. Prandaj ne shpresojmë që Shqipëria të marrë sa më shpejt vendimin pozitiv për hapjen e negociatave për në BE”, u shpreh kështu nga Shkodra ambasadori i Austrisë në Tiranë Christian Steiner.
Ai deklaroi se sa i përket samitit të Zagrebit që do mbahet në maj të këtij viti dhe marrjes së një vendimi pozitiv për hapjen e negociatave ai shprehet se të shpresojmë për më të mirën, duke mos dashur të bëjë komente rreth situatës politike në vend.
“Shpresojm për më të miren, dhe vendimi për hapjen e negociatave të ndodh shumë shpejt. Një aspekt shumë i rëndësishëm është mbështetja që jep Austria në procesin e integrimeve europiane të Shqipërisë dhe shpresojmë që të kemi nisjen e hapjes së negociatave për anëtarësim sa më shpejt. Për ne është shumë i rëndësishëm është edhe aspeki i Sigurisë dhe Bashkëpunimit të Europë, ku këtë vit Shqipqëria ka marrë edhe kryesimin e OSBE-së që është një hap shumë i rëndësishëm dhe po bënë një punë të mirë”- tha Steiner.
Ambasadori Steiner u shpreh se Austria është një vend mik dhe prezenca jonë është që në vitin 1990 në gjithë Shqipërinë e sidomos në Shkodër ku përvec këmbimeve kulturore dhe marrdhënieve ekonomike një rëndësi të veçantë i kushtojmë edhe arsimit ku një nga 8 shkollat austriake në botë një është hapur në Shkodër.
Discussion about this post