Kreu i AAK-së, Ramush Haradinaj, është shprehur se i gjithë procesi gjyqësor ndaj tij është thjesht një lojë politike. I pyetur se si po e pret 6 Prillin, ai është përgjigjur: “Jam shqiptar dhe e di çka është drithërimi”.
Në intervistën e dhënë për RTK-në, ai e cilësoi si fat të keq “Qeverisjen Mustafa” duke shprehur se ndjen keqardhje për gjendjen në të cilën gjendet vendi:
“Kosova është shpenzuar shumë dhe më vjen keq që është nëj gjendje e tillë. Mirëpo është ekzagjëru me idenë e një ‘Republika Srpska’ që nuk mund të zbatohet në Kosovë.”
Ai tha se në raport me Kosovën ka ende çështje të pa përmbyllura: “Këto ndjekje që iu bëhen qytetarëve shqiptarë, duhet t’i shohim si përpjekje të Serbisë për të penguar rrugëtimin e shqiptarëve në Ballkan”, tha Haradinaj. Sipas Haradinaj, atë qëndrueshmëri që kanë pasur ndaj ish regjimit të diktatorit Slobodan Milosheviq, shqiptarët do ta kenë në vazhdimësi.
(XH.A/SHUPLAKA)
