Ish-kryeministri i Kosovës Ramush Haradinaj kërkon t’i kundërvihet Serbisë, pas fletë-arresteve të kësaj të fundit ndaj tij, që i kanë shkaktuar aq shumë telashe.
Akuzat e Serbisë ndaj tij për krime lufte, Haradinaj i quan një lojë politike, dhe shprehet se Kosova duhet të luajë taktikën e reciprocitetit: Ata fletë-arreste, ne fletë-arreste! Kështu është shprehur kryetari i AAK-së në një intervistë për RTV21.
“Duhet të përdorim praktiken e reciprocitetit që e ka përdor Kroacia. Ata fletë-arreste, ne fletë-arreste. Vuçiçi është i kualifikuar për fletë-arrest. Daçiçi kualifikohet për fletë-arreste nga Kosova. Pse? Është pjesë e përbashkët e organizatës kriminale, e ka vërtetuar edhe Haga që i ka dënuar njerëzit e tij atje. Për mua është poshtërim që të përmendet emri im me përfaqësuesit e Serbisë. Nuk lejoj. Nuk e ka askush këtë mandate.”, tha Haradinaj. (D.D/Shuplaka)
