Haradinaj në frëngjisht, çfarë ju tha gjykatësve para se t’i komunikonin vendimin

“Këto akuza vijnë nga Serbia, janë thjesht politike”, ishin fjalët e para të Ramush Haradinajt para gjykatësve francezë.

Ramush Haradinaj në fillim të fjalës së tij në Gjykatën e Colmarit, para se të merrej vendimi për lirimin e tij me kusht, ka thënë se akuzat e Serbisë ndaj tij janë politike, shkruan ”Expres”.

“Këto akuza vijnë nga Serbia, janë thjesht politike. Ajo që po bëni ju këtu, është abuzim i të drejtave të njeriut”, u tha në gjuhën frënge Haradinaj gjykatësve. 

Ndërkohë gjykata e Colmarit në Francë vendosi lirimin me kusht të Ramush Haradinajt. Deri në një vendim të dytë Haradinaj nuk do të mund të largohet nga Franca pasi dy herë në jave duhet të paraqitet në ambjentet e Gjykatës.

Qetësisht ai e priti këtë vendim, duke qenë i bindur fare mirë se Gjykata e Hagës atë e ka liruar nga të gjitha akuzat. (E.K/SHUPLAKA)