Ramush Haradinaj do të dalë ditën e nesërme para gjykatës franceze përballet me akuzat e Serbisë. Prokuroria serbe do të paraqesë para gjykatës dosjen me akuza kundër Haradianjt. Lajmi është publikuar nga vetë Haradinaj në një postim në Facebook.
Postimi:
“Të dashur qytetarë. Për shkak të interesimit të jashtëzakonshëm të opinionit publik lidhur me ndalimin dhe procedurat ndaj meje në Francë, ju njoftoj se nesër në një seancë gjyqësore, do të bëhët paraqitja e materialit që e ka sajuar Serbia kundër meje, ndërkaq në seancën e javës së ardhshme, shpresoj që përfundimisht të marrë fund kjo farsë gjyqësore e imponuar nga Serbia! Më lejoni që edhe njëherë t’iu falëndëroj për mbështetjen ndaj meje, të manifestuar gjithë këto ditë, si dhe për besimin e palëkundur se gjithçka rreth ndalesës sime, këtë herë ishte politike”, ka shkruar Haradinaj në Facebook. (J.V/Shuplaka)
Discussion about this post