Ramush Haradinaj, i cili është kandidat për kryeministër nga koalicioni PAN (PDK-AAK-Nisma) shfaq bindjen se ky koalicion do ta formojë qeverinë dhe veç kësaj ka edhe deputetë të tjerë që kanë shprehur gatishmërinë për të përkrahur një qeveri të udhëhequr nga ai.
Në një intervistë të dhënë për “Kosova Press”, ai ka treguar se ka pasur komunikime me deputetë të partive të tjera, megjithatë nuk ka asgjë përfundimtare: Një komunikim ekziston ashtu kolegial secili me secilin, por s’ka të definuar asgjë. Kuptohet në raste të caktuara ka vullnet të deputetëve, për të përkrahur një ‘Qeveri Haradinaj’ në këtë rast. Ka deputetë që kanë shpreh gatishmërinë për të përkrahur një Qeveri, të udhëhequre prej meje. Jemi koalicioni PAN, PDK-AAK-Nisma. Një Qeveri e udhëhequr nga unë do t’i kryejë punët e Kosovës, pra do të ndihmojë zhvillimin. Do të ndihmojë proceset e mirëfillta në vend”, tha ai.
I pyetur nëse do të mund të merrte AAK më shumë vota në këto zgjedhje, në rast se ajo do të garonte e vetme, Haradinaj u shpreh se ata morën përsipër të hyjnë në këtë mënyrë në zgjedhje dhe kështu do të vazhdojnë për shkak se i presin shumë punë.
(XH.A/SHUPLAKA)
