Kryeministri i Kosovës, Ramush Haradinaj, në konferencë për media pas mbledhjes së Qeverisë ka folur për raportin e dialogut me Serbinë që sot u është dërguar deputetëve.
Ai ka thënë se ky raport paraqet gjendjen reale, ndërsa ka thënë se Kosova prioritet e ka zbatimin e marrëveshjes së energjisë.
Haradinaj ka përsëritur se në dialogun me Serbinë nuk ka ndarje territoriale. Sipas tij, duhet të ketë unitet për dialogun, raporton lajmi.net.
Sa i përket vijave të kuqe, ai ka thënë se kushdo që e shkel Kushtetutën do të shkarkohet.
“Ne kemi Kushtetutën dhe kushdo që del nga kjo është shkelje e kontratës së deklaratës së pavarësisë”, ka thënë Haradinaj.
Discussion about this post