Kryeministri i Republikës së Kosovës, Z.Ramush Haradinaj, priti në takim një delegacion nga Bashkia Kukës të kryesuar nga kryetari Bashkim Shehu.
Kryeministri Haradinaj e falenderoi kryetarin Shehu për kontributin e jashtëzakonshëm që banorët e Kukësit kanë dhënë për Kosovën, në etapat më të rëndësishme historike.
Më tej, kryeministri Hajradinaj theksoi gatishmërinë e Qeverisë së Kosovës për të thelluar bashkëpunimin për të gjitha temat me interes për të dyja vendet, veçmas për bashkëpunim të dyanshëm, konkretisht mes komunave kufitare.
Kryetari i Bashkisë së Kukësit, Z.Bashkim Shehu, përgëzoi kryeministrin Haradinaj për marrjen e përgjegjësive të reja, duke kërkuar përkrahjen e Kosovës në projekte ekonomike të Kukësit.
Kujtojmë që banorët e Kukësit dhanë një kontribut të jashtëzakonshëm në vitin 1999 gjatë luftës së Kosovës duke strehuar mijëra shqiptarë të Kosovës në shtëpitë e tyre pasi ishin larguar për shkak të gjenocidit serb.
(B.H/Faxweb)
