Haradinaj tregon si do ta zgjidhë çështjen e demarkacionit me Malin e Zi

I nominuari për kryeministër i koalicioni PDK, AAK dhe Nisma, Ramush Haradinaj, ka deklaruar se çështja e demarkacionit është ndër të parat që do të merret me të.

Haradinaj vazhdon të besojë se marrëveshja duhet korrigjuar edhe pse atë e ka nënshkruar partneri i koalicionit PDK.

Me të formuar qeverinë, Haradinaj thotë se pikërisht shënimi i kufirit me shtetin malazez do të jetë çështja e parë të cilën do ta zgjidh. Përveç korrigjimit, ai e konsideron edhe dërgimin e kësaj marrëveshje në arbitrazh, si mënyrë tjetër me të cilën do ta zgjidh çështjen e demarkacionit. 

Demarkacioni me Malin e Zi është njëra ndër çështjet që krijoi përplasjet më të mëdha në legjislacionin e kaluar mes opozitës e qeverisë. (B.H/Shuplaka)