Ditën e sotme, në një konferencë të Jashtëzakonshme me gazetarët, kryeministri i Kosovës, Ramush Haradinaj ka kërkuar falje për deklaratën e tij të pak ditëve më parë, kur ai tha se gazetarët nuk dinë anglisht dhe se duhet të bëjnë më shumë shkollë.
Në këtë konferencë, Haradinaj është shprehur se ka qenë në stres të madh pasi gjendja nuk është e mire në qeverisjen e Kosovës.
“Një gjest i vogël nga ana ime. Falënderim për punën që bëni dhe kërkim falje për fjalorin më herët. Ai qe kërkon falje është i mirë. Nuk premtoj ta bëj. Jam në stres të madh. Gjendja në qeverisje nuk është e mirë. Kjo të jep stres.
Të hysh në dimër me kolaps energjetik do të rezultonte me kolaps për vendin. Duke analizuar gjendjen qe kemi në këtë sektor, atëherë nuk është lehtë. U kam thënë stafit qe nuk është detyra jonë qe ta gjejmë vetëm sa keq kanë punuar ata para ne. Pra, do të ishte ballafaqim me të vërtetën”, është shprehur Haradinaj. (D.D/Shuplaka)
Discussion about this post