Ministrja e Inovacionit Milena Harito prezantoi sot në Durrës përparësitë e përdorimit të teknologjisë në administratë. Sipas saj, mënyra elektronike është në funksion të përmirësimit të jetës së qytetarëve.
Gjatë këtij takimi, Harito theksoi se falë risive high-tech, sot qytetarët paguajnë të gjithë taksat në mënyrë elektronike, duke shmangur kështu edhe radhët.
“Nuk keni më nevojë të shkoni në rradhë dhe të keni dhe merakun nëse ajo pagesa që bëhet u shënua, nuk u shënua në librezën tuaj. Keni garancinë e plotë që pagesën mund ta bëni në mënyrë të drejtëpërdrejtë në mënyrë elektronike. Që të jetë brenda rregullit bën një deklaratë për të marrë leje për punimet që do të bëjë në shtëpinë e vet. Kjo bëhet menjëherë përmes portalit. Bashkia ka detyrimin tu japë përgjigje brenda 60 ditëve. Nëse nuk u jep do të thotë që e keni marrë lejen.”, tha Harito.
Sipas ministres, vetëm këtij viti janë kryer gjithsej rreth 5000 transaksione me nënshkrim elektronik. (D.D/Shuplaka)
Discussion about this post