Harpa 28-mijë euroshe e japonezit zbulohet pas tre vitesh, e kishte vjedhur “skifteri” shqiptar

Policia italiane ka zbuluar pas tre vitesh, harpën 28-mijë euroshe të një artisti japonez, e cila ishte vjedhur nga një shqiptar.

Mediat lokale shkruajnë se japonezi e kishte dërguar harpën e famshme për riparim në një firmë në Itali, e quajtur “Salvi di Cuneo”, mirëpo gjatë rrugës, korrieri ishte grabitur nga një shqiptar.

Ngjarja ka ndodhur në vitin 2013, në autostradën Santhia në një furgon të dërgesave ekspres. Mirëpo në janar të këtij viti, shqiptari me iniciale L.A ra në burg, pasi bashkë me dy të tjerë u kap me 520 kilogram marijuanë në një furgon, në zonën e Muggio-s.

Pas kontrollit që policia ushtroi në banesën e tij pas arrestimit, zbuloi edhe harpën e famshme të vjedhur para tre vitesh. (D.D/Shuplaka)