Policia e Shtetit ka shpjeguar përmes një skeme të thjeshtë rrugët që ndiqnin trafikantët e arrestuar në kuadër të operacionit “One If – By Land”, në lëvizjen e njerëzve drejt vendeve të BE, dhe Amerikës Veriore.
Skemat e rrugëve të ndjekura nga trafikantët ndahen në pesë grupe shtetesh ku ata kalojnë.
Në grupin e parë të shteteve bëjnë pjesë Italia, Mali i Zi, Serbia dhe Kosova.
Në grupin e dytë bëjnë pjesë Franca, Gjermania, Bullgaria dhe Belgjika.
Në grupin e tretë është vetëm Spanja si hallka më e rëndësishme e të gjithë skemës që lidh trafikun mes dy grupeve të para dhe dy grupeve në vijim.
Në grupin e katërt është Meksika, Kosta Rika, Panamaja dhe Republika Dominikane.
Në grupin e fundit bëjnë pjesë vendet e destinacionit përfundimtar të të trafikuarve, Shtetet e Bashkaura, Kanadaja dhe Mbretëria e Bashkuar.
Skema e parë e itenerarit të rrugës që shpjegohet nga Policia e Shtetit është:
Shqipëri – Itali – Francë – Meksikë – Shetet e Bashkuara.
Skema e dytë e zbuluar nga hetimet është:
Mal i Zi – Serbi – Gjermani – Spanjë – Kanada
Skema e tretë, është:
Kosovë – Bullgari – Spanjë – Kosta Rikë – Shtetet e Bashkuara
Skema e katërt është:
Kosovë – Belgjikë – Republikë Dominikane – Kanada
Skema e pestë është një rrugë e tretë nga Shqipëria për në Kosovë, grupi i të cilës pasi ndërfutet në grupin e dytë në skemat që treguam më sipër, në finale, ka një rrugë të veçantë trafiku nga Spanja për një Angli.
Ndërkohë që midis grupeve të shteteve, në bazë të ndarjes që bëmë më sipër, ka raste që mund të ketë nga dy rrugë alternative për në të njëjtin destinacion. Për shembull, në skemën e dytë më sipër, janë dy rrugë (dy grupe të ndryshme) që çojnë nga Serbia në Gjermani. E njëjta gjë ndodh në këtë skemë me rrugën nga Gjermania në Spanjë dhe me rrugën nga Spanja në Kosta Rikë.
(E.L/Faxweb)
Discussion about this post