Ish-kryeministri Sali Berisha, reagon pas deklaratave të kryeministrit Edi Rama për kanabisin, ku i ftuar në në “Dritare me Rudinën”, u shpreh se kanabisi nuk është fenomen ekskluziv i qeverisjes së majtë madje tha se kur kanë ardhur në pushtet e kanë gjetur të mbjellur në të gjithë Shqipërinë.
Berisha e krahason kryeministrin shqiptar me Manuel Noriegën e Panamasë.
“Ne Kanabistan Rama flet si Noriega!
Ne tre dite, tre fabirka droge dhe 25 ton kanabis ne nje jave! Rama, njelloj si Noriega, ish narkodiktatori i Panamase qe ndertoi shtetin e pare te narko-banditizmit apo narko-kleptokracise, thote: “drogen nuk e solla une ndaj dhe nuk kam asnje pergjegjesi pse Shqiperia ne vitin elektoral u be Kanabistan”! “, reagon Berisha.
I pyetur nëse ndjen sadopak përgjegjësi për situatën e kanabisit në vend, kryeministri Edi përdori shprehjen e famshme të Skënderbeut: Lirinë nuk e solla unë, e gjeta mes jush. Vetëm se në këtë rast, liria zëvendësohet me hashashin.
“Unë dua t’ju kujtoj diçka që njerëzit e dinë. Hashashin nuk e solla unë. E gjetëm midis nesh, e gjetëm në formën e një republike autonome e më pas të shtrirë në të gjithë Shqipërinë. Ç’rrënjosjen e konsideruseshme e kemi patur në themel. Nuk mund të pretendojmë që nuk do të mbillet asnjëherë në asnjë cep të Shqipërisë . Në drejtimin e Saimir Tahirit është shkarkuar 11% e trupës së policisë për lidhjet e tyre me trafikantë të drogës. Kjo ëshë pjesë e filozofisë së shtetit. Shteti duhet të luftojë brenda vetes njësoj siç bën jashtë tij”,- u shpreh Rama. (D.D/Shuplaka)
Discussion about this post