Kas përfunduar takimi mes Hashim Thaçit dhe Mathew Palmer në zyrën e Presidentitn të Kosovës ndërsa janë zbuluar edhe temat e bisedës mes kreut të shtetit dhe të ngarkuarit të Shtetit në Departamentin për Ballkanin Perëndimor.
Me anë të një reagimi në rrjetet sociale, Thaçi bën me dije se është diskutuar mbi arritjet e deritashme të Kosovës si dhe maturinë politike që është treguar në zgjedhjet e përgjithshme të 6 tetorit.
Ndërkohë që Presidenti ka vlerësuar partneritetin me Shtetet e Bashkuara të Amerikës në ndërtimin sipas tij të paqes së qëndrueshme në rajon.
“Me Mat Palmer, të ngarkuarin e State Departamentit për Ballkanin Perëndimor, biseduam për të arriturat e Kosovës, me theks të veçantë për maturitetin politik që u dëshmua në zgjedhjet e fundit. Kosova është partnere e Shteteve të Bashkuara të Amerikës në ndërtimin e paqes së qëndrueshme në rajonin tonë”, shkruan Thaçi.
(F.GJ/ Faxweb.al)
