Hashim Thaçi transformon rrënjësisht qëndrimet: Në Berlin konstatuam se sa e dobët është BE

Presidenti i Kosovës, Hashim Thaçi beson që Uashingtoni duhet të ketë rol në dialogun mes Kosovës dhe Serbisë pasi Bashkimi Evropian sipas tij është i dobët.

Në një intervistë për Radio Evropa e Lirë, tre ditë pas Samitit të Berlinit, foli rreth takimit të liderëve.

“Në Berlin ne konstatuam se sa e dobët është Evropa dhe se si Bashkimi Evropian nuk është i bashkuar”, u shpreh Thaçi.

Presidenti tha gjithashtu se roli i ShBA-ve në procesin e dialogut është i rëndësishëm.

“Roli i SHBA-së është i pazëvendësueshëm dhe asnjë marrëveshje nuk do të arrihet pa dinamikën dhe rolin udhëheqës të SHBA-së.”, tha presidenti i Kosovës.

Kujtojmë se në deklaratat e kaluara, Thaçi ka thënë që marrëveshja me Serbinë mund të arrihet në fund të vitit 2019-të.  Në pyetjen se nëse është kjo e mundur, presidenti u shprehë se shpreson të ndodh.

“Unë shpresoj që po. Nëse jo, ne do të humbasim një dekadë.”, u shpreh Thaçi.

(F.GJ/FAXWEB.AL)