Haxhiu Giu kthehet në burgun e Peqinit: Sa shkova në shtëpi, më thanë të kthehem

Pak pasi ish-prokurori Haxhi Giu doli nga burgu në sajë të përfitimit të amnistisë, Drejtoria e Burgut të Peqinit, i ka kërkuar të rikthehet.

Mësohet se drejtoria e burgut në fjalë e ka telefonuar ish-prokurorin dhe i ka kërkuar kthimin në burg, veprim të cilin Haxhi Giu është shprehur se nuk e ndërmerr.

Ish-prokurori që u dënua për “Korrupsion pasiv” u shpreh fillimisht se nuk do të kthehet në burg, por do të zbatojë ligjin. Megjithatë, ai i është bindur kërkesës së drejtorisë së buegjeve.

“Nuk kthehem në burg, do të zbatoj ligjin. Jam qytetar i lirë. Më telefonuan nga burgu dhe më kërkuan që të kthehem. Më thanë se nëse nuk do të kthehesh, do të marrim me forcë.”, mësohet të ketë thënë ai fillimisht.

Lidhur me këtë vendim, ka reaguar edhe Drejtoria Juridike e Burgjeve, e cila u shpreh se ka ndodhur një keqkuptim. (XH.A/SHUPLAKA)