HEC-et në kanionin e Llëngës, banorët u bllokojnë rrugën me gur mjeteve të kompanisë (FOTO+VD)

Ndërtimi 7 HEC-eve  në kanionin e Llëngës në Pogradec duket se është kthyer në një problem për banorët.

Të indinjuar ata kanë bllokuar rrugën me gur për të mos lejuar kalimin e mjeteve me tonazh të rëndë për të vijuar kështu punimet.

Ata shprehen se janë të gatshëm ta mbrojnë kanionin me gjak për të mos lejuar që masakra të mos vijoj. Siç shihet edhe në fotot e siguruara nga Fax News duket qartë vendosmëria e banorëve.

Ndërkohë që kjo zonë është shpallur ‘Zonë e Mbrojtur’ që prej vitit 2002 me Vendim të Këshillit të Ministrave.

Kujtojmë që për herë të parë këtë masakër e ka denoncuar Fax News, e kundrejtë këtij problemit instancat përkatëse zgjedhin të heshtin.