HEC-et në Valbonë, Gjykata Administrative rrëzon padinë e banorëve

Gjykata Administrative ka rrëzuar padinë e banorë të Tropojës  të cilët kërkuan që punimet të ndërpriten  pasi sipas tyre do të shkatërrohej zona turistike.

Ata thonë se ndërtimi i hidrocentraleve do të dëmtojë mjedisin dhe potencialin turistik të zonës së Alpeve Shqiptare. Por Gjykata Administrative ka rrëzuar padinë e tyre.

Kujtojmë se 27 banorë të Dragobisë dhe shoqata TOKA kanë dorëzuar në Gjykatën Administrative një padi për anulimin e vendimit të KKT për lejen e ndërtimit të 2 HEC-eve në Valbonë.

Ata thonë se procedurat që Ministria e Industrisë, Ministria e Mjedisit dhe agjenci të tjera shtetërore kanë ndjekur kanë çuar në dhënie lejesh në shkelje flagrante. Banorët do ti drejtohen Apelit në Gjykatën Administrative.