Një tjetër zjarr është shënuar sot në pyjet e Korçës, këtë radhë në kodrat pranë fshatit Dishnicë në Korçë.
Mësohet se denoncimi është marrë fillimisht nga portali i Komisariatit Dixhital nga ku dhe kërkua ndihma e policisë.
Mirëpo një 17-vjeçar është shoqëruar në komisariat, pasi dyshohet se nga pakujdesia ka shkaktuar nisjen e zjarrit.
“Në Komisariatin e Policisë Korçë, u bë shoqërimi i shtetasit P.H, 17 vjeç, banues në fshatin Belorta, i cili po merret në pyetje në lidhje me ngjarjen e sipërme pasi dyshohet se zjarri në pyll është shkaktuar nga një cigare e hedhur në pyll nga pakujdesia e këtij të fundit, kur ka qenë duke kullotur bagëtitë, i cili më pas mori përmasa të konsiderueshme”, thuhet në njoftimin e policisë.
Kujtojmë se pak më herët, e njëjta situatë u raportua në një tjetër fshat të Korçës, në Barç. (D.D/Shuplaka)
r
