Helmimi i 11 fëmijëve në Bulqizë, reagon Drejtoria Spitalore: Nxënësit janë paraqitur në spital të…

Një ngjarje e rëndë ka ndodhur në një shkollë në Bulqizë, ku 11 nxënës janë helmuar pas një eksperimenti të bërë në shkollë.

Lidhur me këtë ngarje ka reaguar edhe Drejtoria e Shërbimit Spitalor, Bulqizë ku sqaron se nxënësit janë paraqitur në spital të shoqëruar nga prindërit dhe pas trajtimit mjekësor është konstatuar se nuk kanë pasoja të rënda.

Sipas DSHS, Bulqizë fëmijët kanë dalë nga ambjentet e spitalit rreth orës 13:00. Sipas saj fëmijët nuk kanë rezultuar me ç’rregullime dhe ata kanë patur simptoma të dhimbjes së kokës dhe të vjella.

Kujtojmë se nxënësit janë pjesë e klasës së 6-shtë të shkollës. Atyre u kanë nisur të vjellat 30 minuta pas eksperimentit të bërë gjatë orës së kimisë.

Nxënësit janë dërguar të gjithë në spital. Ata kanë treguar se kanë përdorur sapun 15 lekësh gjatë eksperimentit të tyre.

Në një prononcim për Fax News fëmijët shprehen se ata ishin ndjerë keq menjëherë pas kontaktit me sapunet.