Prokuroria e Tiranës ka sekuestruar prozhektorët që janë përdorur në Mitingun e partisë Demokratike ditën e shtunë.
Që prej asaj ditë në spital janë paraqitur rreth 140 persona me simptoma pothuajse të njëjta, si ënjtje sysh, të kruajtura apo dhe dhimbje të forta koke.
Ende mbeten të paqarta shkaqet që kanë çuar në këtë ngjarje misterioze po nuk mungojnë dyshimet se mund të jenë përdorur lëndë kimike.
Personat që mbetën të lënduar ditën e djeshme u shprehën se komplikacionet iu kishin filluar disa orë pas përfundimit të Mitingut.
Vetë kreu i opozitës Basha, i cili dhe vetë mbeti i lënduar u shpreh ditën e djeshme se prtet nga autoritetet shtetërorë që të marrin të gjitha masat për zbardhjen e ngjarjes. Ai tha se fushata e PD-së do të vijojë dhe se asgjë nuk do ti ndalë drejt fitores.
Nga ana tjetër një grup pune që kryesohet nga Prokuroria e Tiranës si dhe me pjesëmarrjen e ekspetëve të ushtrisë kanë inspektuar dje vendin ku u mbajt Mitingu në Bulevard për të mësuar më shumë rreth shkaqeve që çuan në këtë helmim masiv. (E.K/SHUPLAKA)
