Helmimi në Miting, Basha shkon me urgjencë në Spitalin Francez në QSUT (SI PARAQITET GJENDJA E TIJ)

Ditën e djeshme ende në rrethana të paqarta për shkaqet dhjetra persona janë paraqitur në spital pas Mitingut të Partisë Demokratike.

Një ndër personat e prekur ka qenë dhe kryedemokrati Basha i cili është paraqitur në spitalin Francez rreth orës 3 të mëngjesit të sotëm.

Simptomat që ata kanë shfaqur janë dhimbje të kokës, ënjtje në fytyrë si dhe djegie sysh. Pas marrjes së ndihmës së parë Basha është larguar nga Spiatli. Më rëndë paraqitet situata për asistentin dhe truprojen e tij.

Nga ana tjetër ai ka anuluar një sërë takimesh që kishte planifikuar të kryente ditën e sotme në Lushnje.

Basha kishte planifikuar të ishte në Divjakë në orën 10.00. Më pas në orën 11.00 në Lushnje dhe në 12.30 nëRoskovec. Takimet do të mbahen edhe pse pa praninë e kreut demokrat.

Ajo që mësohet është se vendi ku u mbajt Mitingu është rrethuar dhe po merret në ekzaminim. Dëshmitarët flasin për një pluhur, përmbajtja e të cilit mbetet ende e paqartë.

Tashmë është ngritur një grup hetimor nën drejtimin e Prokurorisë së Tiranës, sipas Policisë në QSUT janë paraqitur rreth 50 raste nga të cilët 3 persona mbeten ende nën kujdesin e mjekëve.

(E.K/SHUPLAKA)