Për helmimin e qytetarëve në Mitingun e djeshëm të Partisë Demokratike ka reaguar dhe Presidenti i Republikës, Bujar Nishani.
Ai shpreh keqardhjen për ngjarjen e rëndë dhe sqaron se po ndjek me shqetësim situatën e ndodhur.
Presidenti iu ka uruar shërim sa më të shpejtë të gjithë qytetarëve që kanë mbetur të lënduar.
REAGIMI I PRESIDENCËS:
Presidenti i Republikës, Bujar Nishani po ndjek me shqetësim dhe angazhim maksimal situatën e rëndë që ka shkaktuar lëndimin e një numri të madh qytetarësh përfshirë edhe liderin e opozitës, z. Lulzim Basha, gjatë tubimit të çeljes së fushatës elektorale të opozitës ditën e djeshme në Bulevardin “Dëshmorët e Kombit”.
Presidenti i Republikës uron së pari shërimin sa më parë të të lënduarve dhe tejkalimin e kësaj situate pa pasoja.
Presidenti po mban kontakte me të gjitha agjencitë ligjzbatuese për t’u informuar për zhvillimin e kësaj ngjarjeje si dhe kërkon angazhimin maksimal të tyre në zbulimin e plotë të saj. (E.K/SHUPLAKA)
