Gjatë natës së sotme janë helmuar 15 studentë, të cilët kanë shkuar me urgjencë te Infektivi në QSUT në Tiranë për të marrë mjekimin e nevojshëm. Pas marrjes së mjekimit studentët janë larguar në banesat e tyre.
Sipas policisë “rreth orës 01:04, në pavionin e infektiv të Spitalit Nënë Tereza kanë shkuar rreth 15 studente të toksikuar”.
Deri më tani mësohet se këta shtetas janë helmuar nga ushqimi që kanë konsumuar në Kalimash, Kukës. Sjellim në vëmendje që studentët kishin shkuar në Kalimash për një ekspeditë.
DETAJE:
Më datë 14.06.2017, rreth orës 01:04, në pavionin e infektiv të Spitalit Nënë Tereza kanë shkuar rreth 15 studente të toksikuar. Rreth orës 04:52 të gjithë studentët janë larguar për në banesë pas mjekimit të marrë. Nga veprimet hetimore të kryera është mësuar se këta shtetas janë helmuar nga ushqimi i konsumuar në Kalimash, Kukës. Veprimet e mëtejshme proceduriale ndiqen nga Drejtoria Vendore e Policisë Kukës. (J.V/Shuplaka)
