Në fashtin Rrapëz të Lushnjës, rreth 25 nxënës dyshohet të jenë helmuar nga uji i ndotur. Nxënësit kanë shfaqur shqetësime gjatë orës së dytë të mësimit, ata kanë pasur dhembje barku dhe të vjella.
“Kisha dhimbje barku dhe na vinte për të vjellë”, -thotë një nxënëse.
Pati 5-6 raste të cilët u nisën pranë familjeve dhe ju tha që të shkonin për vizitë, ndërsa sot pati dyfishim të numrit të tyre”, shprehet mësuesi Mariglen Gjini, raporton TCH.
Mjekët kanë shkuar në shkollën “Sila Gjini” dhe në familjet e nxënësve të sëmurë, për të marrë monstrat e ujit dhe ushqimit që nxënësit kanë konsumuar. Sipas Drejtorisë së Shërbimit të Higjienës dyshohet për një helmim masiv të fëmijëve. “Ka pasur shenja me dhimbje barku dhe me dhimbje koke, këto janë shenjat që ne na u njoftuan.
“Me të marrë këtë njoftim grupi i punës është nisur menjëherë”,- thotë Genti Xhoxhi, drejtor i shërbimit epidemiologjik në Lushnjë. Dy muaj më parë pjesëtarët e tre familjeve në fshatin Skilaj u helmuan nga uji i pijshëm i përzier me ujërat e stallës së kafshëve.
(B.H/Shuplaka)
