Në Kukës banorët e lagjes nr 1 dhe asaj të Vilave janë ndeshur me diçka të pazakonte ditë e fundit pasi kanë shfaqurt shenja helmimi e kjo sipas tyre ka ardhur nga uji i pijshëm.
Kjo situatë ka sjellë panik tek banorët duke njohur si shkaktar të helmimit ujin e pijshëm pasi rreth 50 persona kanë përfunduar në spital.
Ndërkohë nga ana tjetër ka reaguar Njësia Vendore e Kujdesit Shëndetësor në Kukës, e cila ka sqaruar se uji i pijshëm është i pastër dhe nuk ka vend për panik.
Denisa Duraku, shefe e Epidemiologjisë në një dalje publike bën të ditur se uji i pijshëm është i pastër bakterioligjik dhe se niveli i klorit është në parametrat e duhura.
“Po monitorojmë situatën, kemi ngritur grupet e punës. Situata nuk është alarmante, nuk ka problem dhe nuk ka arsye për panik. Kemi identifikuar rastet, janë kryesisht sporadike, shume pak janë në lidhje familjare. Duke qene se është situatë e verës, është stina është viroze, është edhe ngjitëse në momentin që shfaqet. Kemi monitoruar në vazhdimësi ujin, është i pastër, nuk ka ndotje klori në nivelet e duhura. Pacientët e prekur flasin për konsumin e bostanit të pjeprit. Duhet veçuar higjiena familjare, ajo vetjake në këtë moment qe jemi në një stinë virozash”, tha Denisa Duraku.
(F.GJ/FAXWEB.AL)
Discussion about this post