Rreth 15 qytetarë kosovarë janë penduar për ditën që kanë kaluar tek Shkëmbi i Kavajës, për shkak se janë helmuar.
Dyshohet se shtetasit nga Kosova janë helmuar në një restorant tek “Shkëmbi i Kavajës”, ku kishin ngrënë drekë.
Pas drekës ata kishin shfaqur shenja të helmimit sit ë vjella, bark dhe probleme të tjera dhe kanë shkuar në urgjencën e Infektivit në Tiranë. Pas ngjarjes, autoriteti Kombëtar i Ushqimit (AKU) ka reaguar duke bllokuar restorantin.
Ndërkohë janë marrë monstra ushqimesh të cilat janë dërguar për analiza. Helmimi dyshohet të ketë ardhur nga ushqimi i konsumuar, por nuk përjashtohet edhe uji.
Sakaq, mësohet se qytetarët kosovarë kishin ardhur për fundjavë në Shqipëri. (D.D/Shuplaka)
