Kryeministri Edi Rama ka reaguar ditën e sotme lidhur me vendimin e Bankës Qendrore të Kosovës për të hequr dinarin nga qarkullimi dhe për të lejuar shkëmbimet tregtare dhe shërbimet vetëm në euro.
Nëpërmjet një postimi në platformën “X”, Rama u shpreh se është e rëndësishme që Kosova të ruajë marrëdhëniet me partnerët dhe aleatët, e megjithatë, theksoi se nuk duhet harruar e drejta për të zbatuar Kushtetutën e saj.
“Ndërsa të gjithë jemi dakord që qeveria e Kosovës duhet të angazhohet, të koordinohet dhe të punojë më ngushtë me aleatët e saj kryesorë, le të mos e harrojmë gjithashtu të drejtën e pamohueshme të Kosovës për të zbatuar Kushtetutën e saj. Pas Banjskës, është thelbësore të ruani fokusin dhe ndjenjën e ekuilibrit” – shkruan ai.
Discussion about this post