Pas vendimit të sotëm të KQZ-së për ti hequr mandatet kryebashkiakut të Kavajës Elvis Roshi dhe dy deputetëve Shkëlqim Selami dhe Dashamir Tahiri dhe pas deklaratave të kryeministrit Edi Rama, kanë ardhur edhe reagimet e disa gazetarëve.
Gazetari i News 24, Bledian Koka, hedh dyshime mbi tre votat kundër heqjes së mandatit të deputetit Dashamir Tahiri.
“E tmerrshme!… Vota tejet e dyshimte kunder e 3 anetareve te opozites ne KQZ per heqjen e mandatit te Dash Tahirit eshte turp qe sot rendon mbi PD-ne dhe qe ajo duhet ta argumentoje sa me pare, ne te kundert ajo qe ka shkruar Rama sot per here te pare ne historine e tij ka vleren e te vertetes. Kam folur sot me disa eksponente te PD-s dhe ishin te shokuar nga ajo qe kishte ndodhur me voten e anetareve te opozites ne KQZ!”, shkruan Koka në Facebook.
Ndërsa gazetari i Reporter dhe Birn, Gjergj Erebara ironizon me ish-deputetin Shkëlqim Selami, i cili u prononcua për mediat menjëherë pas vendimit të KQZ-së.
“Tre vjet deputet, flet për herë të parë ditën kur i hoqën mandatin”, shkruan Erebara.
Ka reaguar edhe gazetarja e ABC News, Mimoza Koçiu, e cila komenton reagimin e kryeministrit Edi Rama pas vendimit të sotëm të KQZ-së.
“Ja dhe kryeministrit që nuk ia nxe goja një fjalë kundër Elvis Roshit, edhe kur ia thonë të gjithë, e me letra madje”, shkruan Koçiu. (A.R/SHUPLAKA)
