Në lidhje me heqjen e dy mandateve për Aqif Rakipin dhe Gledion Rehovicën ka reaguar dhe analisti dhe politologu Afrim Krasniqi.
Ai shkruan se ky është një lajm i mirë, po fakti që ata ende nuk janë shkarkuar nga partitë e tyre do të thotë se pikërisht partitë janë avokatët e tyre më të mëdhenj.
‘’Koha për më shumë Perëndim dhe më pak modele Erdogan në Tiranë e Prishtinë”, shkruan Krasniqi, duke këmbëngulur fort për aplikimin e Reformës në Drejtësi.
“Lajm i mirë largimi i dy deputetëve për shkak të dekriminalizimit. Asnjë nga deputetet e larguar deri tani nuk janë perjashtuar nga partite e tyre politike, çfarë do të thotë, – partitë mbeten avokatët kryesore të individëve të inkriminuar.
Në Parlament tashmë kemi më pak të inkriminuar, por kemi ende shume të korruptuar. Shpresa e vetme mbetet Byroja e Hetimit kundër korrupsionit ndaj jetësimi i reformës në drejtësi përbën një parakusht kundër korrupsionit të lartë….
Si Shqipëria ashtu edhe Kosova përballen me sfida thelbësore: shoqëri të varfera, qytetarë të nënshtruar, parti të forta, lider të forte politikë, dhe mbi të gjitha, liderë politike që janë në aleancë informale kundër drejtësisë dhe shtetit të së drejtës. Koha për më shumë Perëndim dhe më pak modele Erdogan në Tiranë e Prishtinë”, shkruan Afrim Krasniqi.
(E.K/FAXWEB)
Discussion about this post