“Të ndëshkuarit” është tema e radhës e emisionit “Të Paekspozuarit” nga Ylli Rakipi në News24, teksa në studio janë të pranishëm dy ish-deputetët Dashamir Tahiri dhe Shkëlqim Selami.
Ish-deputeti i Vlorës, Dashamir Tahiri ka mohuar faktin se ka patur probleme me drejtësinë italiane.
Sipas tij, “nuk kam mashtruar me formularin e dekriminalizimit. Pas dënimit e kam vizituar disa herë Italinë. Jam ndaluar nga policia italiane për 10 lireta falas. Nuk jam ndaluar fare. Kam dal nga autostrada, nga 20–30 bileta një dhjetëshe ka qenë false. Sipas ligjit Italian nuk dënohesh”.
Ylli Rakipi: Pse?
Dashamir Tahiri: Sepse nuk është trafik, mua ma dha resto për vete. Aty vjen policia që e sekuestron. Dhe kur e sekuestron policia, shënon që kjo iu gjet këtij në këto rrethana. Rrethana përshembull është që unë kisha pi lëngë portokalli 20 km më tutje. Kjo është vetëm thjesht një shënim në biografi që këtij iu gjet kjo.
Bashkë me dy deputetët mandatin e humbi edhe kryebashkiaku i Kavajës, Elvis Roshi.
Prokuroria e Përgjithshme, me kërkesë të KQZ-së po verifikon edhe zyrtarë të tjerë për të cilët priten përgjigje edhe nga autoritetet e huaja. (A.R/SHUPLAKA)
Discussion about this post