Kreu i PD-së Lulzim Basha duke folur në Kuvend për heqjen e ndihmës ekonomike për rreth 20 mijë familje, tha se kjo është një vepër kriminale e Edi Ramës.
Basha u shpreh se nëse në vendin tonë do të kishte Prokurori të pavarur ndaj Ramës dhe ministres Manastirlliu duhet të kishin nisur hetimet.
“Kjo mazhorancë të vetmin avaz që ka janë sulmet ndaj opozitës. Asnjë fjalë nuk tha për 20 mijë familjet që iu është hequr buka e gojës. As kanë shkuar ti shohin, janë të njëjtit njerëz kur ka zgjedhje shkojnë iu blejnë votat me nga një thes mjell.
I detyrojnë këta njerëz ose të largohen nga vendi ose të pranojnë 50 mijëlekshin. Ky ëhstë vendimi kriminal i Edi Ramës, pa asnjë bazë ligjore. Ndihma ekonomike është një detyrim i shtetit, kanë shpikur një sistem pikëzimi që nuk e kanë bërë publik. Po të kesh sobë me dru nuk ke të drejtë që të marrësh ndihmë ekonomike.
Po të kishim një prokurori të pavarur do të merrte sit ë pandehur marjonetën e Edi Ramës dhe vetë Edi Ramën. Nuk ka krim më të madh se tiu heqësh bukën e gojës njerëzve të pamundur. Vetë INSTAT thotë që ulet numri i të punësuarve ama shtohet rritja ekonomike.
Kjo është një dramë e madhe që shpaloset jo më larg se 2 kilometra nga kjo sallë, po ku keni ju guxim që të shihni realitetin. Lekët nuk mungojnë o shqiptarë, shteti ka lek, po këto lekë shkojnë në xhepat e Edi Ramës dhe ministrave të tij”, u shpreh Basha.
(E.K/FAXWEB)
Discussion about this post