Skema e re e ndihmës ekonomike ka lënë jashtë disa familje në gjithë Shqipërinë. Gazetari i Fax News ka qenë i pranishëm në familjen e Sajmir Hebaeja në qytetin e Fierit, të cilit i është hequr ndihma ekonomike.
Ai shprehet se është në gjendje shumë të vështirë dhe me një djalë të sëmurë.
“Kam dy djem, njëri prej tyre është autik dhe nuk vete në shkollë. Kryeministri të vijë të shohë ku jetojmë. S’kemi shtëpi kemi jetuar me qera. Unë dhe gruaja jemi të papunë. Nga ndihma ekonomike merrnim 4500 lekë në muaj me të cilat paguanim detyrimet”.
Ai gjithashtu shprehet dhe mosbesues ndaj fjalëve të kryeministrit për rishqyrtimin e rasteve të përjashtimit.
I pranishëm në inpsektimin e familjeve të cilat janë të përjashtuara nga skema ekonomike ishte dhe deputeti i Partisë Demokratikë në Fier, Luan Baçi.
Ai u shpreh për Fax News se janë të shumta familjet të cilave u është hequr ndihma ekonomike.
“Këto janë të dy pa punë dhe nuk arrijnë të paguajnë qeranë. Gjithashtu me të njëtat kushte janë dhe shumë familje të tjera. Këta kërkojnë punë, por punë nuk ka. Në bashkinë e Fierit nga 1261 aplikantë, 261 kanë fituar dhe pjesa tjetër është jashtë sitemit. Rastet abuzive kanë qenë, por sot se janë akoma edhe më shumë.”
Ndërkohë që gazetari i Fax News në qytetin e Fierit, Edmond Hoxhaj raporton se ka mjaft raste, por janë të paktë ato që pranojnë të prononcohen, pasi i’u është premtuar se në të ardhmen mund të rishqyrtohen dhe kanë frikë që të flasin para kamerave.
(M.Q/Faxweb)
Discussion about this post